सांवरिया सुणी लिजे अरज मीरा की
जहर कटोरा राणा भैजिया रे कोई दिजो
मीरा बाई रा हाथ सांवरिया
दिजो मीरा बाई रा हाथ सांवरिया
सुणी लीजे अरज मीरा की..
ली हो चरणोंमत मीरा बाई पी गई रे
कोई राखण वालों रुगनाथ सांवरिया
राखण वालों रुगनाथ सांवरिया
सुणी लीजै अरज मीरा की..
सर्प टिपारा राणा भेजीया रे कोई
दीजो मीरा बाई रा हाथ सांवरिया
दीजो मीरा बाई रा हाथ सांवरिया
सुणी ली जै अरज मीरा की..
खोल टिपारो मीरा बाई देखीयो रे कई
निकल्यो है नवसर्यो हार सांवरिया
निकल्यो है नवसर्यो हार सांवरिया
सुणी लीजै अरज मीरा की..
बिच्छू टिपारो राणा भेजियो रे कोई
दीजो मीरा बाई रा हाथ सांवरिया
दीजो मीरा बाई रा हाथ सांवरिया
सुणी लिजै अरज मीरा की..
खोल टिपारो मीरा बाई देखीयो रे
कई निकल्या है साला गिराम सांवरिया
निकल्या है साला गिराम सांवरिया
सुणी लीजै अरज मीरा की
दोई कर जोड़े मीरा बाई बोलिया रे
कोई गुरु तो मिल्या है रैदास
गुरु तो मिल्या है रैदास सांवरिया
सुणी लिजै अरज मीरा की..