Type Here to Get Search Results !

ब्रज में हरि होरी मचाई लिरिक्स (Braj Me Hari Hori Machayi Lyrics in Hindi) - Holi Geet - Bhaktilok

 

ब्रज में हरि होरी मचाई लिरिक्स (Braj Me Hari Hori Machayi Lyrics in Hindi) -


ब्रज में हरि होरी मचाई

इतते आवत कुँबरि राधिका

उतते कुँवर कन्हाई

खेलत फाग परस्पर हिलमिल

यह सुख बरनि न जाई

सु घर-घर बजत बधाई

ब्रज में हरि होरी मचाई


बाजत ताल मृदंग झांझ ढप

मंजीरा और शहनाई

उड़ति अबीर कुमकुमा केसरि,

रहत सदा ब्रज छाई

मनो मघवा झरि लाई

ब्रज में हरि होरी मचाई


राधाजू सैन दियौ सखियन को

झुण्ड झुण्ड जो धाई

लपटि-लपटि गई श्यामसुन्दर सौं

बरबस पकरि लैआई

लाल जू को नाच नचाई

ब्रज में हरि होरी मचाई


लीन्हों छीनि पीताम्बर मुरली

सिर सों चुनरि ओढ़ाई

बेंदी भाल नैनन बिच काजर

नकबेसर पहिराई

मनो नई नारि बनाई

ब्रज में हरि होरी मचाई


फगुआ लिये बिनु जानि न देहो

करिहौ कौन उपाई

लहौं काढ़ि कसरि सब दिन की

तुम चितचोर कन्हाई

बहुत दिन दधि मेरी खाई

ब्रज में हरि होरी मचाई


सुसकत हौ मुख मोरि मोरि तुम

कहाँ गयी चतुराई

कहाँ गये वे सखा तुम्हारे

कहाँ जसोमति माई

तुम्हें किन लेति छुड़ाई

ब्रज में हरि होरी मचाई


रास बिलास करत वृन्दावन

 ब्रज बनिता जदुराई

राधे श्याम जुगल जोरी पर

सूरदास बलि जाई

प्रीत उर रहति समाई

ब्रज में हरि होरी मचाई


ब्रज में हरि होरी मचाई लिरिक्स (Braj Me Hari Hori Machayi Lyrics in English) -


Braj Mein Hari Horee Machaee

Itate Aavat Kunbari Raadhika

Utate Kunvar Kanhaee

Khelat Phaag Paraspar Hilamil

Yah Sukh Barani Na Jaee

Su Ghar-ghar Bajat Badhaee

Braj Mein Hari Horee Machaee


Baajat Taal Mrdang Jhaanjh Dhap

Manjeera Aur Shahanaee

Udati Abeer Kumakuma Kesari,

Rahat Sada Braj Chhaee

Mano Maghava Jhari Laee

Braj Mein Hari Horee Machaee


Raadhaajoo Sain Diyau Sakhiyan Ko

Jhund Jhund Jo Dhaee

Lapati-lapati Gaee Shyaamasundar Saun

Barabas Pakari Laiaee

Laal Joo Ko Naach Nachaee

Braj Mein Hari Horee Machaee


Leenhon Chheeni Peetaambar Muralee

Sir Son Chunari Odhaee

Bendee Bhaal Nainan Bich Kaajar

Nakabesar Pahiraee

Mano Naee Naari Banaee

Braj Mein Hari Horee Machaee


Phagua Liye Binu Jaani Na Deho

Karihau Kaun Upaee

Lahaun Kaadhi Kasari Sab Din Kee

Tum Chitachor Kanhaee

Bahut Din Dadhi Meree Khaee

Braj Mein Hari Horee Machaee


Susakat Hau Mukh Mori Mori Tum

Kahaan Gayee Chaturaee

Kahaan Gaye Ve Sakha Tumhaare

Kahaan Jasomati Maee

Tumhen Kin Leti Chhudaee

Braj Mein Hari Horee Machaee


Raas Bilaas Karat Vrndaavan

 Braj Banita Jaduraee

Raadhe Shyaam Jugal Joree Par

Sooradaas Bali Jaee

Preet Ur Rahati Samaee

Braj Mein Hari Horee Machaee



Ads Area