मैया मोरी मैं नहीं माखन खायो लिरिक्स भजन ( Maiya Mori Main Nahin Makhan Khayo Lyricsin Hindi ) -




भोर भयो गैयन के पाछे मधुवन मोहिं पठायो ।
चार पहर बंसीबट भटक्यो साँझ परे घर आयो ॥

मैं बालक बहिंयन को छोटो छींको किहि बिधि पायो ।
ग्वाल बाल सब बैर परे हैं बरबस मुख लपटायो ॥

तू जननी मन की अति भोरी इनके कहे पतिआयो ।
जिय तेरे कछु भेद उपजि है जानि परायो जायो ॥

यह लै अपनी लकुटि कमरिया बहुतहिं नाच नचायो ।
'सूरदास' तब बिहँसि जसोदा लै उर कंठ लगायो ॥