विठ्ठला तू वेडा कुंभार लिरिक्स (Vitthala Tu Veda Kumbhar Lyrics in Hindi) -
फिरत्या चाकावरती
देसी मातीला आकार
विठ्ठला तू वेडा कुंभार !
माती पाणी उजेड वारा
तूच मिसळसी सर्व पसारा
आभाळच मग ये आकारा
तुझ्या घटांच्या उतरंडीला
नसे अंत ना पार !
विठ्ठला तू वेडा कुंभार
घटाघटांचे रूप आगळे
प्रत्येकाचे दैव वेगळे
तुझ्याविना ते कोणा नकळे
मुखी कुणाच्या पडते लोणी
कुणा मुखी अंगार !
विठ्ठला तू वेडा कुंभार
तूच घडविसी तूच फोडिसी
कुरवाळिसि तू तूच ताडिसी
न कळे यातुन काय जोडिसी?
देसी डोळे परि निर्मिसी
तयांपुढे अंधार !
विठ्ठला तू वेडा कुंभार ||