मंगलाचरण श्लोक इन संस्कृत(Manglacharanmanglacharan Shlok lyrics in Hindi )- Bhaktilok

मंगलाचरण श्लोक इन संस्कृत(Manglacharanmanglacharan Shlok lyrics in Hindi )- 

मंगलाचरण श्लोक (Manglacharanmanglacharan Shlok ):-

वन्देऽहं श्रीगुरोः श्रीयुतपदकमलं श्रीगुरून् वैष्णवांश्च 

श्रीरूपं साग्रजातं सहगण-रघुनाथान्वितं तं सजीवम्। 

साद्वैतं सावधूतं परिजनसहितं कृष्णचैतन्य देवं 

श्रीराधाकृष्णपादान् सहगण-ललिताश्रीविशाखान्वितांश्च।। १ 

वाञ्छा कल्पतरुभ्यश्च कृपासिन्धुभ्य एव च। 

पतितानां पावनेभ्यो वैष्णवेभ्यो नमो नमः।। २ 

हे कृष्ण करुणासिन्धो दीनबन्धो जगत्पते। 

गोपेश गोपिका-कान्त राधाकान्त नमोऽस्तु ते।। ३ 

तप्त-काञ्चन गौरांगि राधे वृन्दावनेश्वरि। 

वृषभानुसुते देवि प्रणमामि हरिप्रिये।। ४ 

नमो नलिननेत्राय वेणुवाद्य विनोदिने। 

राधाधरसुधापानशालिने वनमालिने।। ५ 

आपदामपहर्तारं दातारं सर्वसम्पदाम्। 

लोकाभिरामं श्रीरामं भूयो भूयो नमाम्यहम्।। ६ 

नीलाम्बुज श्यामल कोमलाङ्ग, सीतासमारोपित वामभागम्। 

पाणौ महासायक चारुचापं नमामि रामं रघुवंशनाथम्।। ७ 

नामसंकीर्तनं यस्य सर्वपाप प्रणाशनम्। 

प्रणामो दु:ख शमनस्तं नमामि हरिं परम्।। ८ 

नाम चिन्तामणिरूपं नामैव परमा गतिः। 

नाम्नः परतरं नास्ति तस्मान्नाम उपास्महे।। ९ 

हरे कृष्ण हरे कृष्ण कृष्ण कृष्ण हरे हरे। 

हरे राम हरे राम राम राम हरे हरे||१०